كيف تستغلين وقتك في قراءة القرآن
السلام عليكم ورحمة الله وبركاته ][®][^][®][كيف تستغلين وقتك في قراءه القرآن ][®][^][®][ أخواتي وحبيباتي في الله أحببت أن أكتب لكم هذا الموضوع وأسأل الله أن تستفيدوا منه ويعجبكم أختي الطالبة والموظفة كثير ما كنت أسأل بعض الطالبات في المدرسة ليش ماتقرأون القرآن فترد علي وتقول ولله ما عندي وقت ويستغربون مني لأني أحافظ على وردي حتى أيام الاختبارات تسأليني كيف أجاوبك كلنا نروح المدرسة أو الدوام كل يوم صح وفي طريقنا للمدرسة أو الدوام وإحنا بالسيارة أو في الباص يروح علينا الوقت من غير أن نشعر مثلا أحسبي الوقت من بيتك للمدرسة أو الدوام يكون نصف ساعة فرَضآ أو أكثر أو أقل وطبعا الدنيا زحمه وأنتي قاعده بالسيارة إما أنك تكملين نومتك وأما قاعده تناظرين الشارع وأما أنك تتكلمين ويروح وقتك كله وعشان تستغلين وقتك في هذه الدقائق اللي انتي قاعدتها أقرأي القرآن تعرفين كم تقرأين وانتي رايحه وراجعه تقدرين تقرأين ثلاثة أجزاء وأقلّها تقدرين تقرأين جزأين والله أنا جربتها واستفدت كثير من وقتي لأني إذا رجعت البيت ما يكون عندي وقت أقرأ فيه عشان عندي واجبات ومذاكره فصرت أقرأ الصباح في السيارة وأنا رايحه وأنا راجعه من المدرسة وفي العصر نفس الحكاية فصرت أقرأ في اليوم أربعة أجزاء وبعض الأحيان خمسة أجزاء من غير تعب والحمد لله وكنت في السابق أتأفف من طول الطريق لكن الحين ما يهمني وصلت بعد نصف ساعة ولاّساعه لأني أنبسط بالقرآءه وما أحس بالوقت الخُلاصة والزبده من الموضوع أي أخت ما عندها وقت في البيت وما تقدر تقرأ عليها أن تستغل وقتها بقدر ما تستطيع في السياره أو الباص ولا تستصعب الأمر بس تجرب وبأذن الله تشوف النتيجة وأخيرا أسأل الله أن يبارك لنا في أوقاتنا وأن يجعلنا نستغلها في الأعمال الصالحة وفيما ينفعنا ولا تنسوني من دعائكم
رد مع اقتباس
بارك الله اختى اسراء وجعلة فى موازين حسناتك
مواقع النشر (المفضلة)