مَوسُّوُعةِ النُكَّتِ,,

**كلمات** · 18 / 12 / 2006 47 : 06 PM

مرة واحد ماشى مع خطيبته وآخر انسجام فقالها "عارفة ايه هو الحب وايه الجواز؟" قالته "لا" قالها: "الحب زى النجوم
الجميلة اللى فى السماء.قالتله"طب والجواز؟" قالها:"دى البلاعة اللى واحنا بنبص على النجوم بنقع فيها.."
***
واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "بأبحث عن تاريخ إنتهاء العقد.
***
واحد نشر في إعلانات مبوبة :مطلوب زوجة!!! تاني يوم جاله 100 جواب فيهم نفس الرد : تاخد بتاعتي؟؟
***
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا ؟؟؟" الزوجة : "ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده اسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون
***
نساء العالم اتحدن وقررن أن لا يقومو بأى أعمال في المنزل وبعد أسبوع تجمعوا ليعرفوا النتائج إلاضراب ..
فقالت الزوجة الفرنسية "أنا قلت لجوزى ميشيل أنا مش هعمل حاجة فى البيت الاسبوع دة كلة" وقالت "أول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى ياحبيبتى".
وقالت الزوجة الانجليزية "أنا قلت لجوزى أنا مش هعمل حاجة خالص فى
البيت الاسبوع ده .. أول يوم مشوفتش حاجة تانى يوم بدا يعمل الاكل تالت يوم عشانى وغدانى برة."
جت المصرية وقالت "أنا قلت لأبو العيال أنا مش هعمل حاجة فى البيت الأسبوع دة" وقالت "أول يوم ماشوفتش حاجة تانى يوم ماشوفتش حاجة
تالت يوم بدات أشوف شوية بعينى الشمال."
***
مرة واحدة قالت لجوزها "إهدى يا حبيبى كده وارجع زى زمان"، الراجل طلقها و رجع لأيام العزوبية
***
مدرس رياضيات اتجوز مدرسة رياضيات خلفوا ولد شبه منحرف وبنت دايره على حل شعرها
***

واحد بيقول لمراته ... أنا النهاردة عايز رومانسية فى البيت ... راحت الزوجة سألت أمها : يعنى إيه رومانسية ؟؟ الأم : مش عارفة بس احتياطى إنقعى الرز
***

مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ؟ قالت أصله كان بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها
......................... .....................

عائله من اكلة لحوم البشر . الاب و ابنه خرجوا للصيد وسابوا الام ....استخبوا في الغابه .... شويه و شافوا واحد رفيع معدي ,الابن قال لابوه يالا نصطاده الاب قاله بس يا عبيط هوه ده فيه حاجه تتاكل ...شويه وعدى واحد تخين الابن قال يالا نمسكه و ناكله الاب قاله بس يا عبيط ده كله دهن لو اكلناه نموت....شويه و عدت واحده حلوه قوي الابن قال هي دي يالا نمسكها و ناكلها ...الاب قاله بس يا عبيط يالا نمسكها ناخدها البيت و ناكل امك .......

مرة واحد باشا دار عليه الزمن وافتقر
حب يشتغل اشتغل بياع فجل وجرجير طول النهار واقف فى السوق وعمال يقول : فجل يا حوش .... جرجير يا كلاب .....
......................... ...........

اتنين صعايدة بيلعبوا شطرنج, الأول كل للتاني الحصان, التاني سمله البهايم

يتبـــ ــع

**كلمات** · 18 / 12 / 2006 49 : 06 PM

مره واحد صعيدى دخل محل اجهزه كهربائيه علشان يشترى تلفزيون دخل سال صاحب المحل
ابكام التلفزيون ده صاحب المحل قلو امشى ياض مابنبعش لصعايده الصعيدى راح حلق شنبو ولبس بدله ورحلو تانى وسالو بكام التلفزيون ده قالو امشى ياض مابنبعش لصعايده الصعيدى اتجنن راح لبس وحده ست ورحاو تانى وقالو بكام التلفزيون ده قالو امشى ياض مابنبعش لصعايده الصعيدى قالو انتا بتعرفنى ازاى صاحب المحل قالو عشان دى غساله مش تلفزيون

مرة اتنين بلدياتنا في الجيش فالصول بيسأل الأول: "إيه ده؟" قال له: "البندجية يا افندم"، قال له: "لأ دي وطنك دي أمك"، فراح للعسكري التاني قال له: "ايه دي؟" قال له: "دي أم هريدي يا افندم"

بخيل سألوه "لو كنت بردان تعمل إيه؟" قال "أقرب من الدفاية"، قالوا له "و لو زاد البرد؟" قال "أقرب أكتر"، قالوا له "و لو زاد البرد أكتر و أكتر؟"، قال "أقرب أكتر و أكتر"، قالوا "و إذا البرد زاد أكتر و أكتر و أكتر؟" فقعد يفكر شوية و قال لهم "أشغل الدفاية"

واحد راح للدكتور قال له "يا دكتور انا عندي مشلكة فظيعة جدا، بانسى بسرعة" الدكتور قال له "المشكلة دي عندك من إمتى؟" قال له "مشكلة إيه؟"

مرة واحد بيعدي الشارع مع صحابه خبطته عربية مات.
نقوا واحد منهم عشان يقول لمراته فراح لها فتحت له الباب قال له: "جوزك ضيع كل فلوسه ع القمار" قالت له: "إلهي ينشل البعيييد!" قال لها: "و باع البيت" قالت له: "إلهي يبيعوا عنيه!"
قال لها: "و اتجوز عليكي على فكرة" قال له: "إلهي يدخلوا عليا شايلينه" الراجل قال: "بس..خشوا يا شباب..."

واحد و مراته متخانقين فبطلوا يكلموا بعض، الزوج كتب ورقة "صحيني الساعة 6:30 عشان عندي شغل" و حط الورقة على السرير
و نام صحي الساعة 10:00 فلقى ورقة مكتوب عليها "الساعة 6:30 يلا اصحى"

بيقول لك واحد يهودي ابنه مات راح يعمل نعي في الجرنان، قال للراجل عايز اكتب "كوهين ينعي ولده"، الراجل قال له "احنا هنا بنتحاسب بالسطر..والسطر في العمود بيبقى خمس كلمات..ناقص لك اتنين".
قعد يفكر قال له اكتب "كوهين ينعي ولده ويصلح ساعات"

في واحد مفلس ومنحوس ماشي في الطريق فلقى عربية عاملة حادثة، ولما شاف الضحايا، ففكر انه يقطع ودنه ويحطهاقدامه عشان ياخذ التعويض،
وبعد ما عمل كده اكتشف انهم بيصوروا فيلم سينمائي.

واحد مسطول بيقول لصاحبه مش عارف يا أخي عود الكبريت ده ما بيولعش ليه
مع إنه لسه مولع من شوية!

صعيدي سافر امريكا شرب من حنفية اوتوماتيك، معرفش يقفلها، قام رجع في اول طيارة لمصر..قام سالوا صاحبه: امريكاعاملة ايه؟
قام قال:اسكت زمانها غرقت يا بوووي!

**كلمات** · 18 / 12 / 2006 52 : 06 PM

قابلت مذيعة اتنين مساطيل سالت الأول : مصر بالنسبة لك ايه؟ فقال: مصر دى امى، بعدين قألت للتاني: :وانت مصر بالنسبة لك ايه؟
قال:ما قدرش اتكلم عن أم واحد صاحبي.

واحد محشش قاعد مع صحابه و بيحكي لهم: انا مره طلع لى اسد و كان فى ايدى كباية ميه رميته بيها،الأسد طلع يجرى
رد عليه واحد من اللى قاعدين قاله صح انا قابلت نفس الأسد ضربته بالقلم ايدى اتبلت

مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرى...
وبص وراه لقي صاحبه واقف ما بيجريش... قال له مش بتجري ليه؟ قال: له واجرى ليه؟ هو انا اللي ضربته؟؟؟؟؟

واحد كريم أتحرق بيته لما جت المطافى حلف عليهم ما يعملوا حاجه لحد ما يشربوا القهوة.

مرة واحد مسطول قاعد بيحشش مع مراته لغاية ما نسيوا نفسهم وفجأة حد خبط عليهم فقامت مراته قالت جوزى!!، فقام جوزها ونط من الشباك
مره واحد فار يتمشى مع خطبتو في الغابة وشاف اسد وقالو :
انت ياحمار انتا
قالو الاسد :
انت بتشتمنى يافار
قالو الفار : ايوه انتا امال مين
قالو الاسد ماشي يافار
المهم وصل الفار خطيبتو بيتها وهوه راجع في الطريق
قابلو الاسد وقالو انت يافار مش كنت بتشتمني النهرده
قالو الفار : لا واللهي دنا كنت عامل حبتيين قدام البت خطبتي انتا ملكنا وهادي راسك اهوه ابوسها
طلع على راس الاسد عشان يبوسها
لقي خطيبتو معديــه
جا قال الفار للاســد :
ادوس على دماغ امك دلوأتي

عجوز عند ناس قالوا لها اقعدي تعشي عندنا،قالت : معليش!! بناتي مسوين ريجيم وودي اذوقه ..

فية نذلة أاتصلت على ام بي سي تطلب أغنية ((والله وتحقق مناية)) تبغى تهديها لزوجها بمناسبة موت أمه

بدوي سبب زحمه في شارع التخصصي بالرياض ليش ؟؟؟ مطفي السياره ويحك أذنه بالمفتاح !!

فيه جني دخل في بخيل مات من الجوع

واحد راح يخطب، قالوا له تراها تدرس. قال ارجع بعد الظهر؟؟!!

ميكانيكي اشترى سرير نام تحتة!!