طبعا كلنا عارفين الكلام اللي بنسمعه بعد كل ماتش
فانا قولت اكتبه هنا ونخلص منه
علشان الزملكاوية مش يتعبوا في الكتابه
طبعا بعد هزيمة الزمالك الطبيعية جدا
خرجوا علينا بعبارتهم التقليديه
اللي بقالنا 4 سنين بنسمعها بعد كل خيبه وهزيمه
شاهد ضربة الجزاء التي تغاضى عنها الحكم البنيني لصالح الزمالك
( اي كلام في الهوا وخلاص المهم انهم يوضحوا انهم مظلومين )
عبد العزيز يناشد جماهير الزمالك بالصبر ويؤكد: "السوبر أهم"
( بكرا السوبر يضيع يا خويا وترجع تقول الدوري المحلي اهم )
شارة الكابتن تاهت بعد حازم امام ( الله يسامحك يا ايمن )
( حد قالكو هاتوه !!! مش انتو اللي فرحانين بيه !!! بقي فيه كابتن يعمل اللي البيه المحترم بيعملو دا ؟؟ )
الهمزه واللمذة جمال حمزه
( بقالو كام سنه بيهمز ويلمز بس شكلوا كدا تعليم مجاني مش عارف مكان الهمزه )
مبروك للزمالك---الى متى هذا الظلم
( الي ان يلعب الزمالك كرة قدم حقيقيه وتتركون شماعة الحظ والظلم جانبا )
ضربة جزاء صحيحة 100% يتغاضي عنها الحكم البنيني لصالح وسام العابدي
( اعملوا شكوي وقدموها جايز تلعبوها قبل المتاش الجاي )
اللاعبون يلومون الحظ ويعدون بالتعويض والمنافسة
( اقترح ان عباس يشتر الحظ بفلوسه بالمرة علشان نخلص )
الزمالك يمرض لكنه لا يموت
( ياعم دخلوه مستشفي نظيفه شوية احسن الحالة تدهورت اوي )
خلفك يا زمالك
( وليه ميكونش امامك يا زمالك ؟؟؟ لانكو بقالكو 4 سنين خلفك يا زمالك وبتخسروا فجربوا امامك يا زمالك جايز تكسبو )
اجمل دخله في المباراة كانت للكبير الزمالك
( اعتقد ان الجمهور كان طالع رحلة للسيرك القومي بالدخلهدي وقالك نروح نشجع شوية ونمشي )
بنحبك يا زمالك
( يارب يوفقهم وتتجمعوا في بيت واحد )
ميعادنا يوم 27/7/2008 للرد
( المواعيد كتيره اوي بس انتو استحملوا )
تبرعوا للدخله التاريخيه في ماتش السوبر
( اتبرع ولو بجنيه )
الزمالك عائد وبقوه
( يا وابور الساعه 12 ياللي مجبل ع الصعيد )
انغياب الروح والانسجام سبب الهزيمه
( الأجابة فرنسا )
اجوجو لم يظهر بعد مستواه الحقيقي
( هوا لعب اصلا في الماتش ؟؟ )
اجوجو يعد الاهلي بوابل من الأهداف وزيزو يقول ان الشلاليط امر طبيعي ولا يحاسب عليها القانون
( الأهلي كدا مرعوب جدا وخايف اوي )
الخديوي عباس يتهم الحكم البنيني بالأنحياز الواضح ضد فريك الزمالك
( فريك الزمالك دايما مظلوم معلش استحملو دا قرد القبار )
مرتضي منصور يصف فريق الزمالك بانهم حفنه من الهواه ولا يوجد بهم لاعب قادر علي حمل اسم الزمالك
( شغل انتخابات طبعا بعد لما اثبتت الانتخابات ان فريك الكرة بتاعكوا لا يصلح لورقه انتخابيه لانهم مش بيعرفوا اصلا )
ما احلي واروع تي شيرت الزمالك الجديده
( مبروك عليكم بطولة التي شيرت الدولية )
شكرا لاعبي الزمالك وننتظر منكم المزيد
( ومن جمهور الاهلي برضوا شكرا )
الزمالك خسر المباراة واكتسب ثقة الجماهير
( الثقه دي تساوي 12 نقطه ومبروك التاهل )
جمهور الزمالك يرفع لاعبي الزمالك علي الاعناق فرحا بالمستوي الرائع
( يا خوفي لا رقبتكوا تتكسر )
الحظ يعاند الزمالك امام الاهلي ويهزم الزمالك
فعل فاضح من جيلبرتو في استاد القاهره سبب دخول الهدف الأول
احمد حسن يتعاطي المنشطات بالدليل والصور
الحكم لم يطرد وائل جمعه خوفا علي مستقبل الأهلي
دا كان التصريحات والمواضيع اللي بتنزل بعد كل هزيمه
مواقع النشر (المفضلة)