السلام عليكم ورحمة الله وبركاته

ما بين النوم واليقظ وجدت نفسى مشرفا

ونظرا لإرتفاع درجات الحرارة وأخوكم غلبان معندهوش تكييف شكلى هلوست شوية وقمت صاحى مفزوع

قال ايه انا مشرف !!!!

طيب حبيت احسبها مع نفسى شويتين ع الماشى

وفكرت فى دورى كمشرف الذى حتما ولابد أن أقوم به


شوفوا بقى معايا مسئوليات المشرف لأى منتدى


************************* ****************

أداء الأمانة التي كلف بها بصدق ومراعاة الله

السرية التامة للمعلومات الادارية وكل مايطرح في المنتديات الادراية

 ليعلم المشرف ان الاشراف تكليف وليس تشريف
فلا يعتبر المشرف متميزا عن غيره بل أن الإدارة تختاره لكثرة تواجده بالمنتدى

ولديه أسلوبه لحل أي أشكال ولديه قدره في التعامل مع الأطراف

ويكون محبوب من اغلب الأعضاء

مسئول عن كل موضوع فى قسمه من حيث الشرعية

فعليه مراجعة قوانين المنتدى
بمعنى لو موضوع مخالف يجب التنبيه به فوراً وحذفه

المشرف على منتدى أو قسم مرتبط أيضا ببقية المنتديات

هناك دورين للمشرف
الدور الإدارى
والمتمثل فى حذف المواضيع المخالفة

او تعديلها وتنسيق القسم الخاص به ،
الاهم الدور الابداعى

فكل مشرف مسئول عن قسمه مسئولية كاملة بدون تدخل

يجب على المشرف أن يثرى قسمه ولا يكتفى بالجانب الإدارى فقط

وهو مسؤولية الترتيب والمتابعه والمحافظة على المنتدى من اي شيء من إساءه او أخطاء

المشرف كالعضو يريد ان يكتب ويبدع ويشارك وينثر ويتفلسف

كل ذلك فى حدود ولياقات غير مسموحه له بالرغم أنها مسموحه بصورة أكبر للأعضاء

مسؤولية جذب الاعضاء من خلال الردود

 ومن واجبات المشرف الإدارية

مراقبة *** تنظيم *** قيادة

المراقبة
تعنى هو ملاحظة كل المشاركات والردود ومدى ملاءمتها مع قوانين المنتدى

وبالتالي التدخل في أسرع وقت إما لحذف الموضوعات غير المناسبة أو الكلمات الخارجة عن قوانين المنتدى

وهذا يتطلب تواجد المشرف بشكل متواصل أو شبه متواصل

وعند حذف الموضوع ( فى منتدانا بالذات ) ينبغي ان يحذف بطريقه راقية اولاًَ شكر صاحب المقال

ويبوس على ايدين العضو اللى كتب موضوع مخالف وبردو مش نافع

التنظيم

وهذا عملية إدارية معينة تتم بين المشرف العام وبقيه المشرفين

في تنظيم المواضيع بين الأقسام لان البعض يخطئ في القسم المراد

والبعض الأخر يكتب مواضيع أكثر مما يجب

وكذلك اكثر من عضو يكتب نفس الموضوع

خاصة إذا كان منقول

فهذى تتطلب معرفة القديم والحديث والتنسيق مع العضو الكاتب والتنبيه على الموضوعات المكررة

القيادة

وهذا هو الدور المرهق

وخاصة في الموضوعات التى تتطلب الحوار ( وليس فقط فى قسم الحوار العام ) مع المشاركين

لإنه أحيانا ( بصراحة دائما ) يكون هناك اختلاف في وجهات النظر

وتظهر هذه الفجوة فى المجتمعات المغلقة

مما يتطلب منه سرعة التدخل وفى الوقت المناسب

لتمييع الردود المخالفة وتغيير مسار الموضوع
إما لتوضيح الصورة للعضو المخطئ أو لقفل الموضوع عن النقاش

ولن يسلم من كلا الطرفين

كل طرف يريده أن يذبح الطرف الثانى وإلا اتهم بأنه مشرف مقصر أو متواطىء

من دوره أيضا مناقشة الأعضاء مباشرة لحل أي إشكال

وكذلك أيضا مشاركة الأعضاء والرد على موضوعاتهم للرفع من روحهم المعنوية

سواء الموضوع أعجبه أم لم يعجبه

فتلك مصيبة كبرى عندما تكون مضطرا للرد على موضوع مش عاجبك ويا سلام لما تلاقى الكيبورد وقف ومش عارف تقول ايه تضطر لـــ ..

هههههههههههههههههههههههه
مشكور أخى

عدم التمييز بين الأعضاء مهما كان
وهذه مصيبة كل شخص يتهمك إنك تحابى الآخرين

س يتهمك أنك تحابى ص علشان امه بنت عم زوجة ابن عمك
وممكن أصلا ميكونشى معاك اولاد عم متجوزين

ص يتهمك أنك تحابى ع ... وهكذا

ولو اشترك بقى واحد تبع مراتك وحس انك مقصر معاه أو لو قامت الادارة دون علمك بحذف موضوع له اعتبر ان مراتك عند بيت ناسها مش راجعة غير لما ترجع الموضوع

ويا سلام لو كان عضو من مدرسة انصحك ألا يدخل أحد أبناءك تلك المدرسة لانك لو حذفت موضوع حيحذف له درجاته

ويا سلام لو كنت مارا بأحد الشوارع وحسيت اتنين بيتكلموا ويتوشوشوا

عارف ده مين؟؟

مين؟؟

دا فلان المشرف اللى حذف لك موضوعك ال..

يقوم بقى يطير وراك ومش فالتك



التواجد باستمرار والتدخل المباشر في حل أي قضية

مراقبة المواضيع المميزة وتنشيط وتشجيع أصحابها

وتثبيتها إن تطلب الأمر

الرد بأسلوب يرفع من معنويات كاتب الموضوع وتشجيعه


التواجد المتواصل فى متابعة تطورات الموضوعات والأحداث
ودراسة السلبيات والإيجابيات



في حالة إنقطاع النت عنده

يضطر للتطفل عند بعض الأصدقاء لمتابعة المنتدى هذا ساعة وهذا ساعة أخرى

أو ممكن يذهب إلى سيبر لمتابعة المنتدى بين أطفال وشباب صغير وخاصة إذا كان عجوز زى حلاتنا


ولا اولاده المساكين عايزين يلعبوا على الجهاز ومش عارفين

ولوا واحد قعد على الجهاز ثم تدخل عليه انت بسرعة قوم قوم معاى شغل على الجهاز

يرد عليك بقى زى ما رد الواد محمود اللى انا ابوه

مش حاقعد تانى انا غير لما اجيب لى لاب توب

احنا عارفينك شغال فى المدرسة ولا على الكومبيوتر


دا طبعا غير كروت الشحن تتصل بالمشرف فلان ادخل انا مسافر

ولا تتصل بالعضو فلان تصالحة ودا تشجعة ودا مش عارف ايه

وحاجات وهلوسات كثيرة بس مش عايز الموضوع يطول

************************* *********************



يا ترى بعد كل ما سبق هل ممكن أتهور وأفكر إنى أكون مشرف؟؟