أدوات المودة المطورة ــ التحرير ــ الإصدار الرابع

[السكنون]

^_^
ابوو راشد اول شي يعطيك ربي العافيهـ
كنت انتظر هالاصدار
والحمد لله تم بفضل الله ثم فضلك وحرصك
قريت الموضوع 2
منها للفايده ومنها لسوالفكـ الي تحمس ^_^
ووصلت المعلومه
لك كل الود والورد

[همس الطيف]

مبدع دوما خيو ابو راشد

[سلمان المودة]

[أبولميس]

ماشاءالله تبارك الله

بارك الله فيك استاذنا

وياخف دمك تكفى

[عبدالرحمن ف]

[align=justify]
[ALIGN=CENTER][TABLE1="width:95%;"][CELL="filter:;"][ALIGN=center]
وعليكم السلام ورحمة الله وبركاتة
[/ALIGN][/CELL][/TABLE1][/ALIGN]

في البدايه هذا الرد برعاية ادوات المودة للتحرير اللي ببلاش :d .. والله مادري وش اقول يابوراشد لكن قبل ما اقول .. قل لي وش صار على اللي مضيع جدتة في اول الموضوع حجة ولا ماحجت ولقاها ولا مالقاها ؟ زي مايحق للأخ اللي تقول واللي ماعرفه لأني ماعرف عن الكوره بكبرها الا انها مدوره وتجي فيها مربعات بلونين .. وفيها واحد في الهلال حارس اسمه الدعيع اقدم من الكوره نفسها هههههه .. اقول يحق لنا نقول وبكل فخر ان مدير منتدانا منتدى المودة الأجمل والأطلق والاحسن وسوبرمان المنتديات بعد ( مديرنا وبكيفنا عاجبنا عاجبكم ولا دوروا لكم مدير ثاني في مكان ثاني ) ابو راشد موب غريب الطيب على اهل الطيب وانت من كسابة الخير ان شاء الله وراعي الأولة .. والمتابع للمودة يعرف هالشي .. واستشهد بنفسي لأني ماعرفت الالتزام " بقراءة " قوانين اي منتدى اسجل فيه قبل اشارك واتقيد بها الا من المودة .. ناهيك عن الخبرات المكتسبه من ردودك وتعليقات الاعضاء .. فجزاك الله عنا كل خير وبإذن الله المودة من كذا للأفضل دائماً .. وسامحني كاني شطحت زي شطحات ابوراشد في الرد المتعلق بالخطوط .. بس توه لاف علي هندي وصدمتك مع الجنب وكانت اول كلمه قالها ( صديق .. انتا مافي شوف .؟ انا في دوق اشاره ) اشارة مين الله ياخذ عمرك انت خليت لي وقت عشان اشوفك وانت داق اشارة اصلاً .. ابو الشباب يد على اشارة السيارة والثانيه كاسر بها الطاهر داخل يمين .. وياكثر اللي يدخل عليك يمين هالايام في المنتديات ويصلي بك شرق والحق معه والله يعينك ويعينا عليهم ..!!

الهاك قمه ماشاءالله تبارك الله .. واللي يخليني في حيرة كبيرة من امري .. انك ياما قلت ( ادوات المودة للتحرير الخامس ) وتكلمت عنه .. والحين فاجأتنا بالاصدار الرابع بكل هالقنابل النووية والمميزات .. يعني ميزة الخطوط لحالها .. حولت منتدياتنا لبرنامج ابوقيتس ( مايكروسوفت وورد ) يعني انا جالس اكتب موضوع اكتبه في محرر ادوات المودة للتحرير الاصدار الرابع .. مايحتاج اكتبه بالوورد وانسقه عشان اطبعه .. وارجع ثاني مره الصقه في المفكره عشان يروح التنسيق وانسخه منها للمنتدى وارجع انسقه ثانيه بخطوط المنتدى العقيمة ( اريل وتاهوما ) عشان اضمن انه ينعرض للكل بنفس التنسيق .. واضرب مشاوير لو راكب مع تكسي مانزلني الا دافع 200 ريال سعودي .. اكتب ونسق واطرح موضوع وانبسط بردود الاعضاء وبضغطة زر اطبع الموضوع بتنسيقه وابسط ياعم ولا يجيك واحد زي ابوراشد يسوي لك زحمه .. كل اللي عليك عطه رابط المودة والموضوع وقل الله لا يهينك وره عيالك ولا اطبعه لهم الورق صار غالي هاليومين :d :d

عمل كبير من شخص اكبر والكبير رب العالمين سبحانه وتعالى .. وبجد نقله نوعيه في عالم المنتديات وليس التحرير فقط .. من كان يتخيل اني في يوم من الايام اقدر اركب 60 زر اضافيه .. وارتبها على كيف كيفي على قولتك في قالب الرد السريع .. والهديه الكبرى والغير مفاجأة لأننا تعودنا من ابوراشد الابداع .. اني ارتب هالازرار بضغطة زر من خيارات الهاك .. بدون ما اقرب قوالب ولا فرونت بيج ولا عوار راس ياعمي هذي الناس اللي تشتغل من قلب انا مدير منتدى ولست مطور مالي ومال هاكك اقعد اعدل في قوالبه عشان يناسب منتداي هذا اذا كنت اعرف اكح في القوالب اصلاً !!

الهديه الكبرى كانت هاك تصغير الصور المميز فعلاً .. هاك بسيط جداً غير معقد ولا ثقيل طينه .. عطه المقاس ويصغر الصور عليها والاعمى يضغط على الصوره وتكبر .. يعني لا تعقيد ولا مشاكل زي زمان .. وبكذا انت حليت مشكلتين .. الاولى اهديتنا محرر يغنيك عن محرر الـ VB ألعقيم .. والثانيه اهديتنا مواضيع مرتبه بدون تمدد وعوار قلب من عضو مايعرف من النت الا اضافة مشاركة جديدة .. كل هذا واكثر بضغطة زر

عودة لحيث بدء .. انت تقول الاصدار الخامس .. وفاجأتنا بهالنسخه اللي دخلت على مخ ابوراشد عرض وقرر يتحفنا فيها .. فاذا كانت كل هذه المميزات الجبارة واللي تغنيك عن اي هاك تحرير اخر ( خصوصاً ان هاك الموده يدمج نفسه مع المحرر ومايستبدل القالب كامل .. ) اجل وش بيصير في الخامس ؟ اصدار كامل جديد يعني بالتأكيد ميزات اكثر خصائص اكثر .. لكن السؤال ابوراشد وش مخبي لنا لنسخة الفي بي ( 4 ) !؟ الله يستر .. احس ان هاك التحرير 5 مدمج معه اعضاء الكترونيين يردود على المواضيع ويناقشونا

اعتذر على الاطالة بس خذتني الحماسة .. يعني كأنك تقول مابعنا بالكوم كثر هاليوم .. هاك اعلانات مابقى الا يروح يتفاهم مع المعلن ويركب الاعلان من نفسه .. ومحرر ولا احلى .. وتعديل سريع للاداره 4 وكله في يوم واحد .. واللي يذبحنا من الفشيله ويخلينا ماندري وش نقولك ان كل هذا جاي بمزاج رايق وشرح مفصل ودقيق باسلوب بسيط جداً وفكاهي ساعد في فهم المعلومه بكل بساطه ( للي رازقه ربي بعيون ويعرف يقرا ) .. اتعب وانا اقول انك قمة في العطاء واكتفي بكلمة جزاك الله خير في سري وعلني .. والله لا يحرمنا منك يامبدع .. !!
[/align]